Abo turi bo

Inshingano

Gutegura ingamba na gahunda bigamije gushyira mu bikorwa, kugenzura no gusuzuma Politiki y’Ububanyi n’Amahanga y’u Rwanda no kuyisobanura neza mu gihugu ndetse no mu mahanga.

Ubuyobozi bukuru

Ambassador Olivier J.P. Nduhungirehe

Ministeri y'Ububanyi n'Amahanga n'Ubutwererane y' u Rwanda

Mbere y’ishyirwaho rye ku wa 12 Kamena 2024, Minisitiri Nduhungirehe yabaye Ambasaderi w’u Rwanda mu Buholandi kuva mu wa 2020 kugeza mu wa 2024, aba Minisitiri w’Ubutwererane muri Minisiteri y’Ububanyi n’Amahanga n’Ubutwererane, ushinzwe Umuryango wa Afurika y’Iburasirazuba (EAC) kuva mu 2017 kugeza mu 2020, ndetse aba Ambasaderi w’u Rwanda mu Bubiligi kuva mu wa 2015 kugeza mu wa 2017.

Kuva muri Kanama 2010 kugeza muri Gicurasi 2015, Amb. Nduhungirehe yabaye Umujyanama wa Mbere (First Counsellor), nyuma aba Minister Counsellor n’Umuyobozi Wungirije uhagarariye u Rwanda mu Muryango w’Abibumbye (UN), ashinzwe Akanama ka Loni gashinzwe Umutekano (UN Security Council), i New York (2010–2015). Mbere yaho, yabaye Umujyanama wa Mbere muri Ambasade y’u Rwanda muri Ethiopia kuva mu wa 2007 kugeza mu wa 2010.

Amb. Nduhungirehe afite impamyabumenyi y’Ikiciro cya Kabiri cya Kaminuza (Master’s) mu micungire y’imisoro (Tax Management) yakuye muri Solvay Business School ya Université Libre de Bruxelles (ULB, mu Bubiligi), ndetse afite n’impamyabumenyi y’Ikiciro cya Mbere cya Kaminuza mu Mategeko (Bachelor of Law) yakuye muri Université Catholique de Louvain (UCL, mu Bubiligi). Avuga neza Ikinyarwanda, Igifaransa n’Icyongereza.

Gen. (Rtd.) Kabarebe James

Ministeri y'ububanyi namahanga nubutwererane by'Urwanda

Gen. (Rtd.) Kabarebe James yashyizweho nka Minisitiri w’Ubutwererane muri Minisiteri y’Ububanyi n’Amahanga ushinzwe Ubutwererane bw’Akarere kuva ku wa 27 Nzeri 2023.

Mbere yaho, yakoze mu myanya itandukanye irimo ariko itagarukira gusa ku kuba Minisitiri w’Ingabo, Umujyanama Mukuru wa Nyakubahwa Perezida wa Repubulika y’u Rwanda mu by’Ingabo n’Umutekano, ndetse n’Umugaba Mukuru w’Ingabo z’u Rwanda (RDF).

Gen. (Rtd.) Kabarebe James afite impamyabumenyi y’Ikiciro cya Mbere cya Kaminuza (Bachelor’s degree) mu Bijyanye n’Ubukungu (Economics) n’Ubumenyi mu bya Politiki (Political Science) yakuye muri Kaminuza ya Makerere.

Mrs. Clementine Mukeka

Permanent Secretary

Madamu Mukeka mbere yakoze nk’Impuguke y’imbere mu gihugu (in-house Expert) mu bijyanye n’ubucuruzi n’ishyira hamwe ry’akarere, ndetse n’iterambere ry’urwego rw’abikorera, muri USAID Rwanda.

Yabaye kandi Impuguke mu by’Ubukungu n’Ubucuruzi (Economic and Commercial Specialist) muri Ambasade ya Leta Zunze Ubumwe za Amerika mu Rwanda, atanga ubunararibonye n’inama zo ku rwego rwo hejuru mu bijyanye n’ubukungu. Muri izo nshingano, yakoranaga bya hafi na Ambasaderi wa Amerika, Umuyobozi Wungirije wa Ambasade (Deputy Chief of Mission), abakozi ba USAID, abafatanyabikorwa bari i Washington, ndetse n’abashyitsi bakuru barimo abagize Inteko Ishinga Amategeko ya Amerika. Yanakoraga kandi imikoranire n’inzego zitandukanye zo mu gihugu no ku rwego mpuzamahanga zirimo imiryango mpuzamahanga, ibigo by’ubucuruzi, ndetse na Guverinoma y’u Rwanda.

Madamu Clementine Mukeka afite impamyabumenyi y’Ikiciro cya Kabiri cya Kaminuza (Master’s degree) mu Micungire y’Ubucuruzi (Business Management) yakuye muri IDRAC Business School, mu Bufaransa.